jinoe meusampe syawal ka teuka
meuah dosa baten ngen lahe
mangat gleh hate bak uroe raya
puncak seulawah manyang bukoenlee
ateuh puncak glee ceudah lagoina
meu'ah meu lakei bak rakan boh hatee
bandum beusaree ubeut ngen raya
kadang na canda yang meucureeh hate
kadang na pake nibak meusenda
ubee na dosa yang kaleuh meu ukee
jinoe laju lee format sigra
di keuniree na rental komputer dan photo copi
Dek Tah Net hai akhi yang teuboh nama
inan usaha lon mita raseuki
laba ngen rugi nyan ka biasa
bandum pelanggan putra ngen putri
meuah beu neubri keu kamoe dum na
kadang na tuweu nibak meujanji
maklum hai akhi kamoe manusia
karna han mungken ulon grak gaki
lon jak silaturrahmi bak pelanggan dum na
geunantoe tameumat jaroe bak idul fitri
lon peugoet rawi nibak media
boh labu tanoeh ta peugoet keu timphan
keu hidangan bak uroe raya
meu'ah lon lakei bak mandum rakan
mangat gleh badan nibak dosa
uroe raya keun keu ureung baro pakaian
ken syit hai rakan keu ureung peu baro kereta
uroe raya keu ureung puasa ramadhan
uroe kemenangan keu ureung taqwa
saleum lon kirem keu bandum pelanggan
bek tuwe neu riwang oeh leuh uroe raya
Keudee Dek Tah Net mantoeng bineh jalan
neulangkah rijang di keue mushalla SMK dua
menyoe na perlei untuk instal ulang
serta ATK dan bahan aneuk sikula
bek le ragu serta bimbang
neulangkah rijang jeud kamoe peuna
ceudah langet karena bintang
cahaya jih trang keunoe u donya
perlei makalah neulangkah rijang
meunan syit rakan skripsi pih na
ie krueng tangse jilee u Geumpang
ie krueng sawang meu jalur dua
kamoe Dek Tah Net lakei meuah beurijang
bek mesangkot teuma nibak blang padang masya.
Tidak ada komentar:
Posting Komentar